Personvern

HUGG følgjer personopplysningslova og EU si personvernforordning (GDPR). Denne erklæringa seier kva vi samlar inn, kvifor, kor lenge vi tek vare på det, og kva rettar du har.

Behandlingsansvarleg

HUGG (drive av Jon Even Fossheim). Spørsmål om personvern: privacy@fisketurnering.no.

Kva vi behandlar

• Konto: e-postadresse, passord (kryptert hos Supabase), visningsnamn og eventuelt profilbilete.
• Registrering: at du har stadfesta å vere over 18 år (berre tidspunktet, ingen fødselsdato), kva versjon av vilkåra du godtok og når, og eventuelt kva lenkje (utm_source/ref) du kom frå.
• Fangstar: art, lengd, eventuell vekt, tidspunkt, bilete og posisjon (sjå eigne avsnitt), status, grunngjeving ved avvising, kontroll- og klagestatus.
• Bilete – originalen: biletet slik du lasta det opp, med alle metadata (kamera, tidspunkt, GPS). Ligg i eit privat lager som berre verifiseringsteamet og systemet har tilgang til.
• Bilete – offentleg versjon: ei nedskalert kopi der alle metadata er fjerna på tenaren. Dette er det einaste biletet som blir vist på nettsida.
• Posisjon: nøyaktige koordinatar frå telefonen eller kartet. Blir brukte berre til verifisering (er fangsten mogleg der og då?). Offentleg viser vi berre kommune, som vi slår opp frå koordinatane.
• Dommaravgjerder: kven i teamet som godkjende, avviste, kontrollerte eller avgjorde ein klage på ein fangst, når, og med kva grunngjeving. Loggen kan ikkje endrast i ettertid.
• E-post vi sender: kva e-postar (til dømes ukeskoden) som er sende til deg, når, og eit referansenummer frå e-postleverandøren.
• Driftsloggar: tekniske feil på tenaren, utan IP-adresse eller informasjonskapslar.
• Med samtykke i nettlesaren: anonym bruksstatistikk (Umami) og feil i nettlesaren din (Sentry, med maskert tekst).

To separate samtykke

Begge er frivillige, ikkje avkryssa på førehand, og kan trekkjast når som helst på profilsida. Vi tek vare på når samtykket vart gitt og trekt.

• Marknadsføring av bilete: at den offentlege versjonen av fangstbileta dine kan brukast i sosiale medium, sponsormateriell og presse. Utan dette samtykket blir bileta berre viste på nettsida.
• Nyheitsbrev: e-post med nytt frå ligaen. Ukeskoden og andre meldingar du treng for å delta, er ikkje nyheitsbrev og blir sende til alle sesongmedlemmar.

Formål og rettsleg grunnlag

• Levere ligaen (konto, sesong, fangstar, verifisering, klage, ukeskode): avtale (GDPR art. 6(1)(b)).
• Kontroll mot juks, dommarlogg og stikkprøver: berettiga interesse i ein rettferdig konkurranse (art. 6(1)(f)).
• Drift og feilsøking på tenaren: berettiga interesse (art. 6(1)(f)).
• Marknadsføring av bilete, nyheitsbrev, bruksstatistikk og nettlesarfeil: samtykke (art. 6(1)(a)).

Kven som ser kva

• Alle: visningsnamn, art, lengd, kommune, tidspunkt og den offentlege biletversjonen for godkjende fangstar, og plassering på resultatlister.
• Andre medlemmar av sesongen: det same, og at du er medlem.
• Verifiseringsteamet (grunnleggjarane): alt over, pluss originalbiletet, nøyaktig posisjon, dine andre fangstar i challengen, samtykkestatus og dommarloggen.
• Sponsor: aggregerte tal og resultatlister utan e-post eller posisjon. Sponsoren får aldri e-postadresser eller koordinatar.

Databehandlarar

• Supabase (EU) – database, innlogging og fillagring.
• Vercel – hosting.
• Resend – utsending av e-post (ukeskode, meldingar om deltakinga).
• Sentry (EU) – feilovervaking.
• Umami Cloud – anonym bruksstatistikk (berre med samtykke).
• OpenStreetMap/Nominatim – koordinatane blir sende dit éin gong for å finne kommunen.

Vi sel aldri personopplysningar. Enkelte leverandørar kan behandle driftsdata utanfor EØS; då skjer det på EU sine standardkontraktar (SCC).

Lagringstid

• Konto og profil: så lenge kontoen finst. Slettar du kontoen, blir profil, fangstar, bilete (begge versjonar) og medlemskap fjerna straks.
• Originalbilete (med metadata): [LAGRINGSTID] etter at sesongen er avslutta. Deretter blir dei sletta; den offentlege versjonen kan bli ståande.
• Nøyaktige koordinatar: [LAGRINGSTID] etter at sesongen er avslutta. Deretter blir dei sletta eller korta ned til kommune.
• Dommarlogg og klagar: [LAGRINGSTID]. Loggen treng vi for å kunne dokumentere avgjerder og sanksjonar.
• E-postlogg: så lenge kontoen finst. Slettar du kontoen, blir loggen sletta saman med han.
• Resultat i avslutta challengar: så lenge kontoen finst; dei blir sletta saman med kontoen.
• Feilhendingar i Sentry: 90 dagar.
• Sikkerheitskopiar hos Supabase: til leverandøren sin oppgjevne oppbevaringstid.

Rettane dine

• Innsyn og kopi: «Last ned dataa mine» på profilsida gjev deg alt vi har om deg som JSON, inkludert dommaravgjerdene på dine fangstar.
• Retting: visningsnamn, profilbilete og passord endrar du på profilsida. Feil i ein fangst meld du til verifiseringsteamet.
• Sletting: «Farleg sone» på profilsida slettar kontoen og alt innhaldet ditt.
• Trekkje samtykke: dei to samtykka på profilsida; informasjonskapslar på sida Informasjonskapslar (lenkje nedanfor).
• Klage på ei avgjerd om fangst: innan 24 timar, frå fangstsida (sjå vilkåra).
• Klage til Datatilsynet: datatilsynet.no, om du meiner vi behandlar opplysningane dine i strid med regelverket.

Automatiserte avgjerder

Vi tek ingen automatiserte avgjerder med rettsverknad for deg. Det einaste automatiske utvalet er kva godkjende fangstar som blir trekte ut til stikkprøve (10 %, tilfeldig); sjølve kontrollen gjer eit menneske.

Endringar

Vi oppdaterer denne sida ved vesentlege endringar. Versjonen står øvst.

Kontakt

privacy@fisketurnering.no